في إنتظار

_______

بيوتنا تحت المطر

حاضنة بعضيها

قبور توابيت

ملهاش شبابيك

ع  الشارع 

الحزن فارع

باكية ليالي الصيف

علىَ الرصيف

مرمية .عيال العوزة

ف إنتظار الرغيف

المهروس بالوجع

وأبريق  ناشف الريق

ونهار مخاصم ليل

وأيام منبتالها ضروس

تطحن المولود

وعضم الفقرا قرابين

  لل...  للالهة

وسط الزحام

هياكل بترمح

عيون بتصرخ

وشوش حُبلىَ بالتجاعيد

وعنكبوت مادد  ع الحيطان

مداري الأيام

  سألوني

فاضل كام سنة 

وياجينا العيد !!!؟؟؟؟

     بصيت.. 

     ضحكت...!! 

     بكيت... 

قلت ياريت !! 

ياجينا ف يوم

   إحنا في

    إنتظار

الناقد 

حمدي البوقي