أحلام بسيطة

بحلم أكون،

 وده مش جنون

بحلم أكون نفسي

بحلم أعيش في أمان

ودي من أبسط حقوقي

بحلم... وحلمي بسيط

بحلم أعيش، وأكون، 

وألفّ كل الكون

وأهدي لكل حزين

مني أنا وردة

وأهمس بصوت مجنون

وأغنّي للعاشقين

والي صوته حزين... 

أهديله أنا بسمة

وأرسم بريشة حب

عَ كل باب رسمة

تدّي لك البسمة

والي قلبه حزين

قافله... طب لسه!

أحلم بحلم جديد

وارسم البسمة

واسيبها على الله

يبقي اللي جاي... أحلى

احلم، وخلي الحلم

طريق بيندهلك

وعيش معايا الحلم

واهدِي لهم البسمة

بحلم... وحلمي بريء

بحلم أكون "نفسي"

          بقلم 

وليد جمال محمد عقل (الشهير بوليد الجزار)